İranın Ləngərud məntəqəsində narkoloji dispanserdə kütləvi ölümlə nəticələnən yanğın baş verib. Bu fakt ölkədə narkomanlar arasında kütləvi ölüm hallarından yalnız biridir. 

İctimai qınaqlardan, narkomaniyanın çiçək­lənməsindən yazan kütləvi informasiya va­sitələri faktları aramla təqdim etməklə tədri­ciliyə üstünlük verirlər. Ölkənin “Həmmihən” qəzeti isə qaydalardan ara-sıra çıxır. Bu dəfə mətbu orqan Ləngərud­da narkoloji dispanserdə 32 nəfərin ölümünə sə­bəb hallardan yazarkən cəmiyyəti və hakimiyyəti baş verənlərdə daha sərt qınayıb.

Qəzet bunu tənqid rubrikası ilə təq­dim edib. Kiçik mətndə yazılanlar yal­nız tənqiddirmi? “Həmmihən” qəzeti Ləngəruddakı narkoloji dispanserdə 32 narkomanın ölümünə cəmiyyətin və ha­kimiyyətin lazımi reaksiya verməməsini tənqid edərək yazır: “Ölkəmizdə narko­maniya qara neft kimidir, pis qoxuludur. Amma müalicə edən, dispanser, narko­tik maddələrin qaçaqmalçılığı ilə məş­ğul olan şəbəkə, satıcı, çatdırıcı və di­gərləri ondan çoxlu qazanc əldə edirlər. Narkomanlar onlar üçün neft quyusu kimidir. Hətta yandıqları vaxt da daha çox pul qazanan dəstəyə xeyir verirlər”. 

R.HÜSEYNLI