Şaurma çox təhlükəli qidadır?

İsti havalarda mümkün zəhərlənmə baxımından ən təhlükəli qidalardan biri şaurmadır. Bunu yoluxucu xəstəliklər üzrə mütəxəssis İvetta Qorşkova “Qazeta.ru”ya açıqlamasında deyib.

“Vacib deyil ki, onu hansı fəsildə yeyirsiz – qış və ya yayda. Araşdırmalar göstərir ki, yay aylarında risk daha da artır. İsti hava, inqrediyentlərin düzgün saxlanmaması, bişirmə prosesində pozuntular, aşbazın yuyulmamış əlləri - bütün bunlar ağır zəhərlənməyə səbəb ola bilir”,- deyə həkim qeyd edib.

Qorşkova əlavə edib ki, yayda zülal məhsulları soyuducuda saxlanmalıdır: “Çünki zülal müxtəlif bakteriyalar üçün çoxalma mənbəyidir. Bu, ət və yumurta ola bilər. Dediklərim bu məhsullardan hazırlanan yeməklərə də aiddir”.

A.Elşən

“Xalq qəzeti”