Dünən Bakıda ulu öndər Heydər Əliyevin anadan olmasının 100 illiyinə həsr olunmuş “Seysmologiya və mühəndis seysmologiyası” üzrə VII Beynəlxalq konfrans işə başlayıb.
AMEA-nın prezidenti, akademik İsa Həbibbəyli Azərbaycanda seysmologiya xidmətinin əsaslarının ulu öndər tərəfindən yaradıldığını, onun göstərdiyi dəstək sayəsində inkişaf etdiyini vurğulayıb.
Türkiyə Elmi və Texnoloji Tədqiqat Şurasının rəhbəri, professor Hasan Mandal təbii fəlakətlərin başvermə tezliyinin getdikcə artacağını, ölkələrin onun nəticələrini aradan qaldırmaqda çətinliklə üzləşəcəyini diqqətə çatdırıb.
Fövqəladə hallar nazirinin müavini, general-leytenant Etibar Mirzəyev zəlzələlərin öncədən proqnozlaşdırıla bilinmədiyini, lakin onun acı nəticələrinin qarşısını almağın mümkün olduğunu deyib.
Konfransda, həmçinin Böyük Britaniyalı seysmoloq Yan Pirs, ABŞ-dan Erik Sandvol, Gürcüstandan Tea Godoladze və Rusiyadan gəlmiş Boris Trifonov çıxış edərək mövzuların seysmologiya elminin inkişafına töhfə verəcəyini bildiriblər.
“Xalq qəzeti”
