Türk çempion İrəvan qələbəsini Azərbaycana həsr etdi

İrəvanda keçirilən ağır atletika üzrə Avropa çempionatında türkiyəli idmançı qızıl medal qazanıb.

45 kiloqram çəki dərəcəsində çıxış edən Cansu Bektaş fəxri kürsünün ən yüksək pilləsinə qalxıb. O, birdən qaldırmada 72 kiloqramın öhdəsindən gələrək qızıl medala sahib olub.

“Aldığım medalı azərbaycanlı qardaşlarıma həsr edirəm, onları çox sevirik. Biz hər zaman sizin yanınızdayıq!” – deyə atlet qeyd edib.

Cəsur və qeyrətli türk qızını layiqli qələbə münasibətilə təbrik edirik. İdmançılarımıza göstərdiyi həmrəyliyə görə isə oxucularımız adından “Çox sağ ol, Cansu Bektaş!” deyirik.

“Xalq qəzeti”