ABŞ pilotsuz uçuş aparatları üçün süni intellektlə üztanıma texnologiyasını tətbiq etməyə hazırlaşır.
Belə ki, ölkənin hərbi hava qüvvələrinin avtonom pilotsuz uçuş aparatları üçün süni intellekt əsaslı üztanıma texnologiyası hazırladığı bildirilir. Müdafiə Nazirliyi və “RealNetworks” şirkəti arasında bağlanan müqaviləyə əsasən, üztanıma ilə təchiz edilmiş pilotsuz təyyarələr xüsusi əməliyyatlar personalı tərəfindən yerli axtarış əməliyyatları və kəşfiyyat məlumatlarının toplanması üçün istifadə olunacaq.
Qeyd edək ki, dronların bu funksiya ilə təmin olunması xəbəri artıq çoxları tərəfindən narahatlıqla qarşılanıb. Çünki bu, ABŞ-ın pilotsuz uçuş aparatları ilə bir insanı hədəfə ala biləcəyi ehtimalını doğruldur.
Səadət RZAYEVA, “Xalq qəzeti”
