Bu dövlətlər respublikamıza 7 milyard dollar sərmayə yatırıb

Fars Körfəzi Ərəb Dövlətlərinin Əməkdaşlıq Şurasının (GCC) Palatalar Federasiyası sentyabrın 25-26-da Bakıda II “Körfəz – Azərbaycan” İqtisadi Forumunu təşkil edəcək.

Federasiyanın yaydığı məlumata əsasən, “Dayanıqlıq, investisiya, tərəfdaş­lıq” adlanacaq forumun məqsədi Körfəz ölkələri ilə Azərbaycan arasında bir sıra perspektivli iqtisadi sahələrdə ticarət əlaqələrini inkişaf etdirməkdir.

Forum Azərbaycanda İxracın və İn­vestisiyaların Təşviqi Agentliyi ilə əmək­daşlıq çərçivəsində İqtisadiyyat Nazirliyi və Körfəz Əməkdaşlıq Şurasının Baş Ka­tibliyinin dəstəyi ilə reallaşacaq. Tədbirdə ərzaq təhlükəsizliyi və kənd təsərrüfatı, bərpaolunan enerji mənbələri, logistika və nəqliyyat, eləcə də tərəflər arasında ticarət və investisiyaların artımını dəstəkləyən sektorlar da daxil olmaqla bir sıra iqtisadi sahələrdə əsas investisiya imkanları və bir­gə layihələr təqdim ediləcək.

Federasiyanın prezidenti Faisal bin Abdullah Əl-Ravvas qeyd edib ki, forum Körfəz ölkələri ilə Azərbaycan arasında ti­carət əlaqələrinin möhkəmləndirilməsi və inkişafının, o cümlədən iki tərəf arasında ticarət mübadiləsinin həcminin artırılması­nın vacibliyini əks etdirir. Əl-Ravvas əlavə edib ki, 2023-cü ildə Körfəz ölkələri ilə Azərbaycan arasında ticarət dövriyyəsinin həcmi 1,8 milyard ABŞ dollarına çatıb. Körfəz ölkələrinin Azərbaycan iqtisadiy­yatına sərmayələri isə, təxminən, 7 milyard ABŞ dolları təşkil edib.

Birinci “Körfəz – Azərbaycan” İqtisadi Forumu 2017-ci ildə keçirilib.