Dövlət Statistika Komitəsinin yaydığı məlumata görə, cari ilin ilk yarısında hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçən fərdi sahibkarların sayı 1 milyon 356 mini ötüb.
Bildirilib ki, hesabat dövründə hər dörd fərdi sahibkardan üçü aqrar sektor, meşə təsərrüfatı, ticarət, nəqliyyat sahələri üzrə qeydiyyatdan keçib. İş adamlarının əsas hissəsi Bakıda (26,5 faiz), Lənkəran–Astara (10,2 faiz), Qazax–Tovuz (7,9 faiz) və Mərkəzi Aran (7,1 faiz) iqtisadi rayonlarında qeydiyyata alınıb.
Fərdi sahibkarların 77 faizi kişilər, 23 faizi isə qadınlar olub. Sahibkar qadınların 28,6 faizi Bakıda, 10,2 faizi Lənkəran–Astara, 9,6 faizi Qazax–Tovuz, qalanları isə digər iqtisadi rayonlarda qeydiyyatdan keçib.
