Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) könüllülərin iştirakını təşkil etmək üçün qeydiyyat prosesinə start verilib. 

Ötən illər ərzində ölkəmi­zin evsahibliyi etdiyi irimiqyas­lı tədbirlərin icrasında olduğu kimi, könüllülər qlobal əhə­miyyətli COP29-un təşkilində də mühüm rol oynayacaqlar. Belə ki, konfransın təşkilati işləri ilə bağlı zəruri əməliyyat­ların icrası məqsədilə COP29 Azərbaycan Əməliyyat Şirkə­tinin fəaliyyəti çərçivəsin­də həm yerli, həm də xarici vətəndaşların, ümumilikdə isə 3000 könüllünün prosesə cəlb olunması gözlənilir. 

Könüllülük proqramı çərçi­vəsində COP29-a öz töhfəsini vermək, eləcə də təcrübə, iş­güzar vərdiş və fərdi inkişafa yiyələnmək niyyətində olan könüllülərin layihəyə rahat və koordinasiyalı şəkildə qoşul­maları üçün www.volunteers.cop29.az onlayn qeydiyyat platforması istifadəyə verilib. 

Platformada qeydiyyatdan keçərək onlayn anket forması­nı dolduran şəxslər potensial könüllü qrupuna daxil olurlar. Daha sonra bütün elektron anketlər müraciət edən şəx­sin ən az 16 yaşında olması, habelə bilik və bacarıqlar, mo­tivasiya, xarici dil biliyi və bu kimi digər müxtəlif meyarlar, eləcə də COP29-un məqsəd və dəyərlərinə uyğunluq üzrə nəzərdən keçiriləcək, müvafiq namizədlər müsahibəyə, son­ra isə təlimlərə dəvət ediləcək­lər. Yekun mərhələni uğurla ta­mamlayan namizədlər COP29 Azərbaycan Əməliyyat Şirkəti tərəfindən media, qonaqlama xidmətləri, nəqliyyat, logistika və digər əməliyyat istiqamət­ləri üzrə fəaliyyətə cəlb olu­nacaqlar. Qeydiyyat prosesini asanlaşdırmaq məqsədilə yarana biləcək suallarla bağlı müraciət etmək üçün Çağrı mərkəzi (+994 12 535 29 28) də könüllülərin xidmətindədir. 

XQ