İsrailin Kənd Təsərrüfatı və Kənd Yerlərinin İnkişafı Nazirliyinin mediada yayılan məlumatına əsasən, dost ölkə Azərbaycanla buğda yetişdirilməsi və istehsalı üzrə müqavilə imzalayıb. Razılaşmanın bu ölkənin adıçəkilən naziri Avi Dixterin respublikamıza səfəri zamanı əldə edildiyi qeyd edilib.
Müqavilə suvarma, torpağın məhsuldarlığının saxlanılması və bitki mühafizəsi sahələri daxil olmaqla, İsrailin buğda istehsalında tətbiq etdiyi texnologiyanı Azərbaycanla paylaşmasını özündə birləşdirir.
Qeyd edək ki, İsrailin müqaviləni imzalamaqda məqsədi ölkəmizin ərzaq təhlükəsizliyinin reallaşmasına töhfə verməkdir. Oxşar müqavilələrin Avropa və Afrika ölkələrində də imzalanacağı nəzərdə tutulur.
XQ
.jpg)
