Dünya Bankının (DB) hesabatında Azərbaycanın 2025-ci ilə kimi dövlət büdcəsi ilə bağlı proqnoz yenilənib.
Hesabata görə, ölkəmizin büdcə profisitinin ümumdaxili məhsulda (ÜDM) payı 2022-ci ildəki 5,5 faizdən 2023-cü ildə 4,8 faizə enəcək, büdcənin ÜDM-də payı isə 2024-cü ildə 4 faiz, 2025-ci ildə isə 3 faiz təşkil edəcək.
DB-nin şərhində daha sonra fiskal balansın ortamüddətli perspektivdə profisitdə qalacağı və ÜDM-in orta hesabla 3,9 faizini təşkil edəcəyinin təxmin olunduğu bildirilir.
Bank, həmçinin 2023-2025-ci illər üzrə Azərbaycanın inflyasiya proqnozunu yeniləyib, respublika üzrə inflyasiyanın 2022-ci ildəki 13,5 faizdən 2023-cü ildə 8,5 faizə qədər azalacağını proqnozlaşdırıb.
“Xalq qəzeti”
