Azərbaycan Mərkəzi Bankının məlumatına əsasən, ölkənin sığorta bazarı 14 faiz genişlənib. Eyni zamanda, cari ilin yanvar ayında respublikadakı 20 sığorta şirkətinin xətti ilə 133 milyon 948 min manat məbləğində sığorta haqqı toplanılıb. Bu, 2022-ci ilin eyni dövrü ilə müqayisədə 13,7 faiz çoxdur.
Hesabat dövründə sığorta şirkətlərinin həyata keçirdikləri ödənişlərin məbləği isə 35,168 milyon manat təşkil edib. Bu isə illik müqayisədə 2,1 dəfə çoxdur.
Yanvar ayında sığorta bazarında toplanmış hər 100 manat sığorta haqqının 26,3 manatı ödəniş edilib. Əvvəlki ildə bu göstərici 14,1 manat olub.
“Xalq qəzeti”
.jpg)
