Alimlər Marsda və digər planetlərdə həyat axtarmaq üçün süni intellektdən istifadə edəcəklər. ABŞ və Yaponiyadan olan beynəlxalq alimlər qrupu süni intellektdən istifadə edərək digər planetlərdə həyat axtarmaq üçün yeni üsul hazırlayıb.
Tədqiqatçıların fikrincə, alqoritm bioloji nümunələri 90 faiz dəqiqliklə müəyyən edir.
Onlar süni intellektə 134 məlum abiotik və biotik nümunənin molekulyar zond məlumatları üzərində təlim keçiblər. Sınaqlar zamanı alqoritm qabıqlar, dişlər, sümüklər, yarpaqlar, insan saçları və orqanizmlərin hüceyrələri kimi obyektləri, həmçinin geoloji proseslər zamanı dəyişmiş qədim həyat qalıqlarını – kömür, neft, kəhrəba və yüz milyonlarla illik qalıqları uğurla müəyyən edib.
Mütəxəssislər hesab edirlər ki, onların hazırladıqları texnologiya həm də 3,5 milyard il əvvəl yaranmış çöküntülərdə ən qədim mikrobların tapılması ilə Yer kürəsində bir sıra elmi sirlərin açılmasına kömək edəcək.
XQ
.jfif)
.JPG)
