“Neftçi” İdman Klubunun idmançıları ötən il ərzində iştirak etdikləri yarışlarda, ümumilikdə, 1001 medal qazanıblar.
Onlardan 337-si qızıl, 303-ü gümüş, 361-i isə bürünc medaldır. Klubun istifadəsində olan idman qurğularında 26 növ üzrə bölmələrdə 2 mindən çox yeniyetmə və gənc idmanla məşğul olub.
Ötən il Fransanın paytaxtı Parisdə keçirilən XXXIII Yay Olimpiya Oyunlarında “Neftçi” İdman Klubunun cüdoçusu Hidayət Heydərov Olimpiya çempionu tituluna sahib olub. Bununla da o, bir ildə Avropa, Dünya və Olimpiya çempionu adını qazanmaqla Azərbaycan idmanının tarixinə düşüb. Yunan-Roma güləşçisi Həsrət Cəfərov isə Paris Olimpiadasının bürünc medalını qazanıb.
Paralimpiya Oyunlarında isə idmançılardan İmaməddin Xəlilov, Səid Nəcəfzadə, Orxan Aslanov qızıl, Lamiyə Vəliyeva 1 qızıl, 1 gümüş, Raman Saley 1 gümüş, 2 bürünc, Sabir Zeynalov, Vəli İsrafilov və İlham Zəkiyev isə bürünc medala sahib olublar.
L.QURBANOVA
XQ
.jpeg)
