Kayak və kanoe üzrə yeniyetmə və gənclərdən ibarət yığma komandamız Rusiyanın Barnaul şəhərində SSRİ İdman ustası Konstantin Kostenkonun xatirəsinə həsr olunmuş beynəlxalq turnirdə 2 qızıl medal qazanıb.
Bu barədə “Xalq qəzeti”nə Azərbaycan Kanoe və Avarçəkmə Federasiyasından məlumat verilib.
Belə ki, 1 nəfərlik kayak qayığında on beş yaşadək idmançılar arasında 1000 metr məsafəyə yarışda Əlimurad Hacızadə bütün rəqiblərini qabaqlamaqla fəxri kürsünün ən yüksək pilləsinə qalxıb. Eyni yaş kateqoriyasında iki nəfərlik kayak qayığında 500 metr məsafəyə mübarizədə isə Əlimurad Hacızadə və Vacib Babayev dueti birinci yeri tutub.
Leyla SABİRQIZI, “Xalq qəzeti”