Azərbaycan təmsilçisi Nicat Abasov Bakıda şahmat üzrə dünya kubokunda 1\16 final mərhələsində tay-brekdən qalib ayrılıb.
Təmsilçimiz FIDE adından çıxış edən Pyotr Svidlerlə dueldən qalib ayrılmaqla karyerasında ilk dəfə dünya kubokunun 1\8 final mərhələsinə vəsiqə qazanıb.
Nicat Abasovla Pyotr Svidler arasında ilk rapid oyunu bərabərliklə yekunlaşıb. İkinci rapid mübarizəsinin mittelşpilində mürəkkəb vəziyyət yaranıb. Nicat rəqibin piyadasını götürərək P.Svidlerin təşəbbüsünün qarşısını alıb. Sonda təmsilçimiz gözlənilməz taktiki gedişlə ağların məğıubiyyətini rəsmiləşdirib.
Qeyd edək ki, dünya kubokunda 1\8 final mərhələsinin ilk oyunları bu gün keçiriləcək. Nicat Abasovun rəqibi BƏƏ təmsilçisi Saleh Salem olacaq.
Leyla SABİRQIZI, “Xalq qəzeti”
