AFFA-nın baş katibi Sərxan Hacıyev Belarus Futbol Federasiyasının prezidenti Nikolay Şerstnyovla görüşüb.
Görüşdə AFFA ilə Belarus Futbol Federasiyası arasında əməkdaşlıq barədə fikir mübadiləsi aparılıb. N.Şerstnyov qonaqpərvərliyə və “Dinamo” (Minsk) – “Jelezniçar” oyununun yüksək səviyyədə təşkilinə görə minnətdarlığını bildirib.
Mərasimdə Belarus Futbol Federasiyasının vitse-prezidenti Andrey Vasileviç, baş katibi Sergey Jardeçkiy də iştirak ediblər.
Qeyd edək ki, Belarus Futbol Federasiyasının prezidenti Nikolay Şerstnyov “Azersun Arena”da keçirilmiş “Dinamo” (Minsk) – “Jelezniçar” (Bosniya və Herseqovina) oyununu izləmək üçün ölkəmizə səfərə gəlib.
L.SABİRQIZI, “Xalq qəzeti”
