Özbəkistanın paytaxtı Daşkənddə keçirilən dünya çempionatında Azərbaycan millisinin iki boksçusu bu gün yarımfinalda mübarizə aparacaq.
Yığmamızın üzvlərindən Alfonso Dominqes (86 kq) yarımfinala gedən yolda Şoxcahon Abdullayev (Özbəkistan) üzərində 5:2 hesablı qələbə qazanıb. Təcrübəli rinq ustası finala vəsiqə uğrunda gürcüstanlı Georgi Kuşitaşvili ilə üz-üzə gələcək.
Məhəmməd Abdullayev (+92 kq) isə dörddəbir final döyüşündə Nikoloz Beqadzeni (Gürcüstan) 5:0 hesabı ilə məğlub edib. Boksçumuz bu mərhələdə kubalı Fernando Lopes Arzolanın öhdəsindən gələ biləcəksə həlledici mərhələyə çıxacaq.
Onu da qeyd edək ki, hər iki boksçumuz yarımfinala vəsiqə qazanmaqla özlərinə ən azı bürünc medalı da təmin ediblər.
