Bolqarıstanın paytaxtı Sofiyada keçirilən boks üzrə “Strandja” beynəlxalq turniri başa çatıb. Azərbaycan Boks Federasiyasının məlumatına görə, 40-dək ölkədən 398 idmançının (256 kişi, 142 qadın) qatıldığı yarışda milli komandanız 2 medal qazanıb.
Yığma üzvlərindən Aynur Rzayeva (+81 kq) fəxri kürsünün ikinci pilləsinə qalxıb. O, finalda Aqata Kajmarskaya (Polşa) məğlub olduğundan gümüş medalla kifayətlənib.
Digər boksçumuz Məhəmməd Abdullayev (+92 kq) isə turniri 3-cü pillədə başa vurub.
Elçin AĞAMİRZƏ,
“Xalq qəzeti”