Gerçəkləşdirilən 3 layihə 1 milyon ton karbonlaşmanın qarşısını alacaq 

Azərbaycan Respublikasının Dövlət Neft Şirkəti qlobal enerji bazarlarında özünün mövqelərini möh­kəmləndirmək və fəaliyyətini şaxələndirmək əzmində­dir. Belə ki, bir zamanlar neft və qaz şirkəti kimi tanı­nan, indi isə dekarbonizasiya yolunda inamla irəliləyən SOCAR enerji keçidi dövründə lider kimi mövqeyini möhkəmləndirməkdədir. Bütün bunlar, eyni zamanda, SOCAR-ın davamlı inkişafı məqsədilə müəyyənləşdi­rilən strateji hədəflər sırasındadır.

SOCAR son bir ildə “yaşıl” enerjiyə keçid istiqamətində bir sıra mühüm saziş­lərə imza atıb. Həmin sənədlərdə ölkədə bir külək və iki günəş elektrik stansiya­sı layihələri öz ifadəsini tapıb. Beləliklə, ümumi gücü 1 GVt olan 3 stansiyanın təməlinin qoyulması respublikamızda “yaşıl” enerjinin gerçəkləşdirilməsi ilə əlaqədar növbəti addımlardan biri olmaq­la bərabər, həm də COP29-un ev sahibi kimi “yaşıl” dünya naminə enerji keçidinə sadiqliyini göstərir.

Bu layihələrin icrası ilə illik 2,3 mil­yard kVt-saat elektrik enerjisinə qənaət olunacaq ki, bunun da nəticəsində 1 mil­yon ton karbon emissiyasının atılmasının qarşısı alınacaq. Beləliklə, təməli qoyulan 3 layihə ölkəmizin “yaşıl” gündəliyinin məqsədlərinə uyğun olmaqla davamlı inki­şafın gerçəkləşməsinə töhfə verəcək.

SOCAR və bp şirkəti arasında birgə əməkdaşlıq nəticəsində hazırda Cəbrayıl rayonunda “Şəfəq” Günəş Enerji Stan­siyası tikilir. Bundan əlavə, SOCAR və Səudiyyə Ərəbistanının “ACWA Power” şirkətləri arasında Azərbaycanda “yaşıl” gübrə istehsalına dair imzalanan əmək­daşlıq sazişi çərçivəsində layihə həyata keçirilir. 

SOCAR ilə “China Energy Internatio­nal Group Co.Ltd” şirkəti arasında isə ölkə ərazisində bərpaolunan enerji layihələrinin inkişafını, tərəflər arasında təcrübə mü­badilələrinin təşkilini, texniki və maliyyə cəhətdən potensial təşəbbüslərin reallaşdı­rılması üçün optimal yanaşmanı, eləcə də bu istiqamətdə digər məsələləri nəzərdə tu­tan birgə əməkdaşlığa dair saziş imzalanıb.

Qeyd olunanlarla yanaşı, SOCAR al­ternativ və bərpaolunan enerji layihələri­nin genişləndirilməsi, “mavi” hidrogen, emissiyaların idarə edilməsi, geotermal enerji, emissiyaların azaldılması həllərinin işlənib hazırlanması üzrə ən yaxşı təcrü­bələrin əldə edilməsi məqsədilə Abu Dabi Milli Neft Şirkəti (ADNOC) və “Sirius” Beynəlxalq Holdinqi ilə də əməkdaşlıq sa­zişləri imzalayıb. 

Azərbaycanın adıçəkilən milli neft şirkətinin bu kimi layihələri və strateji təşəbbüsləri ölkəmizin dayanıqlı inkişaf perspektivində mövqeyinin daha da möh­kəmləndirilməsində əvəzsiz rol oynaya­caq. Müəyyənləşdirilən strateji hədəflər SOCAR-ın ölkəmizin dinamik inkişafın­dakı önəmli rolunu daha möhkəmləndirə­cək.

Beləliklə, qeyd olunan nəhəng la­yihələr, görülən işlər deməyə əsas verir ki, SOCAR qabaqcıl beynəlxalq enerji şirkə­tinə çevrilmək yolunda inamla addımlayır.