Türkiyə Respublikası ilə Monqolustan arasında strateji tərəfdaşlığın yaradılması haqqında birgə bəyannamə və 10 müqavilə imzalanıb. Məlumatı XQ “Anadolu”ya istinadən yayır.
Türkiyə Prezidenti Rəcəb Tayyib Ərdoğan və Monqolustan Prezidenti Khurelsukh Uxnaa təkbətək və nümayəndə heyəti danışıqları aparıb, daha sonra iki ölkə arasında sazişlərin imzalanması mərasimi olub.
Türkiyə Cümhuriyyəti ilə Monqolustan arasında strateji tərəfdaşlıq yaradılması haqqında birgə bəyannaməni prezident Ərdoğan və Monqolustan prezidenti Uxnaa imzalayıblar. Sonra Türkiyə Respublikasının Nəqliyyat və İnfrastruktur Nazirliyi ilə Monqolustanın Yol və Nəqliyyat Nazirliyi arasında, Türkiyə Respublikası ilə Monqolustan arasında səhiyyə və tibb elmləri sahəsində, təhsil sahəsində, mədənçilik vədigər sahələrdə əməkdaşlıq haqqında sazişlər imzalanıb.
P.ƏMİRCANOV
XQ
