Alimlər Namib səhrasında 50 il əvvəl yoxa çıxdığı güman edilən xalqı aşkar ediblər. Bu barədə “SciTechDaily” məlumat yayıb. 

Antropoloqlar hesab edir­dilər ki, bölgədə danışılan dillər yox olduqdan sonra xalq yoxa çıxıb. Bununla belə, ekspertlər aydınlaşdırıblar ki, bu qrup ana dili yox olanda öz genetik kimli­yini qoruyub saxlayıb. 

Tədqiqatçı Anna-Mariya Fehn bildirib ki, Afrikanın cə­nubundakı Namib səhrasında yaşayan qruplardan biri olan Kvepelər Kvadi dilində danı­şıblar: “Kvadi, Cənubi Afrikada ovçular və çobanlar tərəfindən danışılan Ho dilləri ilə bir çox oxşarlığı olan dil idi. Mütəxəs­sislər DNT araşdırmasından istifadə edərək Kvadi dilində danışan insanların nəslini ta­pıblar”. 

Tədqiqatçı Mark Stone­king isə vurğulayb ki, Kalahari səhrasının ovçuları ilk olaraq bütün digər insanlardan ayrı­lan əcdadların nəslindəndir. Onun sözlərinə görə, Kvadi xalqı Bantu dillərində yalnız bu yaxınlarda danışmağa başla­yıblar. 

P.ƏFƏNDİ
XQ