“Queen” qrupu Böyük Britaniyada 1 milyard dinləməyə görə “Brit Billion Award” mükafatını alıb. Hesablamanı “Official Charts Company” şirkəti aparıb. Bu xəbəri “Variety” nəşri yayımlayıb.
Mükafat Brayan Mey və Rocer Teylora verilib. “Queen” qrupu, ötən əsrin 70-ci illərinin ortalarından 90-cı illərinin ortalarına qədər ən geniş şöhrət qazanan ingilis rok qrupudur, albomlarının ümumi dünya tirajı 300 milyonu ötüb. Qrupun “We Will Rock You” və “We Are the Champions” mahnıları müasir dünyanın ən məşhur rok vokal inciləridir.
Ə.DOSTƏLİ, “Xalq qəzeti”
