“OpenAI” şirkəti süni intellektli “ChatGPT” çatbotuna yeni “xüsusi təlimatlar” funksiyasını əlavə edib.
“ChatGPT”də hər dəfə sorğu başladılan zaman yaddaş silinir və keçmişdə danışılanlar unudulurdu. Lakin əlavə edilən yeni funksiya sayəsində artıq təfərrüatları təkrar xatırlatmağa ehtiyac olmayacaq. Belə ki, “xüsusi təlimatlar” adlanan bölməyə daxil edilən məlumatlar daimi yaddaşda qalacaq.
Məsələn, xüsusi təlimatlar bölməsində “Mən üçüncü sinif müəllimiyəm” yazılsa, istənilən axtarış zamanı o, bu təlimata uyğun yaş qrupu üçün cavab verəcək. Qısacası, bütün lazımi kontekst və məlumatları bölmədə qeyd etməklə işlər asanlaşacaq.
Qeyd edək ki, yeni funksiya əlçatandır. Lakin hələlik Avropa İttifaqı və Böyük Britaniyada istifadə etmək mümkündür.
Əfsanə ƏHƏDLİ, “Xalq qəzeti”