Fransada Ümumu Həmkarlar İttifaqları mayın 1-ni pensiya islahatlarına qarşı tarixi Əmək Günü elan edib. Bu gün ölkədə ümumi səfərbərlik elan edilib.
AZƏRTAC xəbər verir ki, Fransada pensiya islahatının mübahisəli qəbulundan bir neçə həftə sonra əhalinin qəzəbi hələ də sakitləşməyib. Fransa Ümumi Həmkarlar İttifaqları bu gün 1,5 milyon insanın nümayişə çıxacağını bəyan edib.
Həmkarlar ittifaqlarının məlumatına görə, ölkədə 300 şəhərdə və qəsəbədə nümayiş keçiriləcək. Bu cür nümayiş son dəfə 2009-cu ildə maliyyə böhranı zamanı keçirilib. Ölkədə şəhərlərarası, eləcə də beynəlxalq dəmir və hava yolları nəqliyyatı işçiləri tətil edir. Hava limanlarında uçuşların 30 faizdən çoxu ləğv edilib.
Həmkarlar ittifaqları məvaciblərin artırılması ilə bərabər, gender bərabərliyinin təmin olunmasını, iş şəraitinin yaxşılaşdırılmasını tələb edirlər.