YAP və Rus İcmasının Ulu öndərə həsr olunmuş konfransı

post-img

Dünən Bakıda Yeni Azərbaycan Partiyası və Azərbaycanda Rus İcmasının birgə təşkilatçılığı ilə ümummilli lider Heydər Əliyevin 100 illik yubileyinə həsr olunmuş “Heydər Əliyev: multikulturalizm və tolerantlıq Azərbaycan cəmiyyətinin inkişaf konsepsiyası kimi” mövzusunda konfrans keçirilib.

Konfransda çıxış edən YAP Sədrinin müavini-Mərkəzi Aparatın rəhbəri Tahir Budaqov bildirib ki, bugünkü konfrans Heydər Əliyev irsinin öyrənilməsi, onun əbədiyaşar ideyalarının geniş ictimaiy­yətə çatdırılması və gənc nəslə aşılan­ması baxımından mühüm əhəmiyyətə malikdir.

Tahir Budaqov deyib ki, Prezident, Müzəffər Ali Baş Komandan, Yeni Azər­baycan Partiyasının Sədri İlham Əliyevin Heydər Əliyev ideyalarına əsaslanan siyasəti ölkəmizə böyük nailiyyətlər qa­zandırmaqdadır. Xüsusilə də multikul­turalizmin həm dövlət siyasəti olaraq müəyyənləşdirilməsi, həm də cəmiyyətin həyat tərzi olması Azərbaycanın sabitlik məkanı və inkişaf diyarı kimi müstəqil­lik yolunda inamlı irəliləyişini təmin edir. Birinci vitse-prezident, Heydər Əliyev Fondunun prezidenti, YAP Sədrinin bi­rinci müavini Mehriban xanım Əliyevanın rəhbərliyi ilə multikulturalizmin, siviliza­siyalararası dialoqun, mədəniyyətlərin inteqrasiyası ideyasının təbliği və təşviqi istiqamətində ardıcıl işlərin görülməsi, mühüm layihələrin reallaşdırılması həm ölkəmizdə tolerantlıq mühitinin güclən­məsinə, həm də Azərbaycanın müsbət beynəlxalq imicinin daha da möhkəmlən­məsinə təkan verir.

YAP İdarə Heyətinin üzvü, Milli Məcli­sin deputatı, Azərbaycanda Rus İcması­nın sədri Mixail Zabelin bildirib ki, sabit­liyin və inkişafın təmin edilməsi Heydər Əliyevin siyasətinin ən mühüm nailiyyət­lərindəndir. M.Zabelin diqqətə çatdırıb ki, Heydər Əliyevin xeyir-duası ilə 1993-cü ilin mayında Azərbaycanda Rus İcması yaradılıb və bu gün Cənubi Qafqazda ən böyük - 120 min nəfərdən çox üzvü olan icma 30 illik yubileyini qeyd edir.

Mədəniyyət naziri Adil Kərimli, Rusi­ya Xarici İşlər Nazirliyinin Həmvətənlər­lə İşlər üzrə Departamentinin direktoru Aleksandr Nurizadə, Həştərxan vilayə­tinin mədəniyyət və turizm naziri Olqa Prokofyeva, Rus Pravoslav Kilsəsinin Bakı və Azərbaycan Yeparxiyasının ka­tibi, Arximandrit Aleksiy Nikonorov çıxış edərək Ulu öndərin əsaslarını yaratdı­ğı milli siyasətin dilindən, dinindən, ic­timai mənşəyindən asılı olmayayaraq hər bir xalqın hətərəfli inkişafına münbit şərait yaratdığını vurğuladılar. Natiqlər bildirdilər ki, bu siyasətə uyğun olaraq Azərbaycanda müxtəlif mədəniyyətə və konfessiyaya malik insanlar sülh və əmin-amanlıq şəraitində yaşayırlar. Bu ölkənin qonşu xalqlarla və dövlətlərlə münasibətləri də dostluq və əməkdaşlıq prinsiplərinə əsaslanır.

Sosial həyat