Sosial şəbəklərdə fəallığı ilə seçilən Pərvanə Kazımzadə adlı bir ziyalı xanım dünən özünün “Facebook” süfrələrimizn bəzəyi olan çayla bağlı maraqlı bir paylaşım edib. Orada yazılır:
“Bu il mayın 21-i Beynəlxalq Çay Günüdür. Çay mənə çox əzizdir, çünki çay dostluqdur, sevgidir, doğmalıqdır. Çay sevincdir, xatirədir...
Mənim üçün hər bir çay dəstgahının özəl hekayəti var. Ömrüm boyu doğmalarım və dostlarım üçün böyük həvəslə çay dəmləmişəm. Heç vaxt usandım deməmişəm. Qazaxda, Gəncədə, Qəbələdə, Astarada, yolüstü Kürdəmirdə dostlarla çay içmişik.
Dünyanın ən ətirli çayı Lənkəran çayıdır. Bu, təkcə mənim qənaətim deyil. Azərbaycan çayının bütün çaylardan dadlı olduğunu əcnəbi ölkələrdən olan dostlarım da etiraf edirlər.
Gəlin, çayımızı soyutmayaq. Necə deyərlər, çay nədir, say nədir...
Təqdim etdi: M.HACIXANLI, “Xalq qəzeti”