Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi bu ilin yanvar ayında əlilliyi olan şəxsləri 11,3 min reabilitasiya vasitəsi ilə təmin edib.
Onlardan 846-sı təkərli oturacaq (o cümlədən 33-ü mühərrikli təkərli oturacaq), 265 aşağı və yuxarı ətraf protezi, habelə 135-i eşitmə aparatı, 255-i qoltuqaltı və dirsəkaltı ağac, 9-u korset olub.
Həmin şəxslərə 330 cüt protez ayaqqabı, 493 cüt ortopedik ayaqqabı və s. reabilitasiya vasitələri də təqdim olunub.
Yanvar ayında ümumilikdə 1,9 min nəfər əlilliyi olan şəxs reabilitasiya vasitələri ilə təmin edilib.
