Azərbaycan Milli İncəsənət Muzeyində Ümummilli lider Heydər Əliyevin anım gününə həsr olunmuş “Ulu öndər Heydər Əliyev və Azərbaycan rəssamlığı” mövzusunda mühazirə keçirilib.
Muzeyin sərgi və tərtibat şöbəsinin müdiri, sənətşünas Əsəd Quliyev tərəfindən təqdim olunan mühazirədə görkəmli dövlət xadimi, müasir Azərbaycanın memarı Heydər Əliyevin incəsənətə, sənət insanlarına göstərdiyi qayğı, və diqqətdən, mədəniyyət sahəsində həyata keçirdiyi böyük tədbir və layihələrdən, rəssam-heykəltəraşlarla dostluq münasibətlərindən söhbət açıb.
Sonra, Ulu öndərin 100 illik yubileyinə həsr edilmiş “Böyük sənət hamisi” adlı sənədli film nümayiş olunub. Filmin layihə rəhbəri və baş prodüseri Namiq Hüseynovdur.
Qeyd edək ki, ekran işi Azərbaycan Diasporuna Dəstək Fondunun dəstəyi ilə ərsəyə gəlib.
XQ
