Elmi adı bibəriyyə olan mərzədən (bəzi bölgələrdə buna ətotu deyirlər) hazırlanan çay insanı arıqladır, görünüşünü dəyişir, dərisinə parlaqlıq verir. Bu fikri rusiyalı dietoloqlar jurnalistlərə açıqlamalarında bildiriblər.
Mütəxəssislərin fikrincə, xalq təbabətində bibəriyyəni həmişə “yağ yandıran bitki” kimi tanıyıblar. Ondan hazırlanan çay tərkibindəki bioloji aktiv maddələr hesabına maddələr mübadiləsini sürətləndirir. Bu da piy toxumasının yanmasına səbəb olur.
Mərzədən hazırlanan çay, həmçinin sidikqovucu xüsusiyyətilə seçilir. Meteorizm (bağırsaqlarda qaz yığılması) və köp zamanı həmin çaydan istifadə edilir.
Bibəriyyə çayını səhərlər acqarına və yaxud gündə bir neçə dəfə, hər qida qəbulundan sonra içmək faydalıdır.
Z.HÜSEYNLİ
XQ
