Özündə lif, vitamin və mineralları, eləcə də orqanizm üçün vacib yağları ehtiva edən qoz son illərdə super qida elan edilib. Tərkibində təxminən 90 qida maddəsi olan bu çərəz müntəzəm istehlak edildikdə immuniteti gücləndirir, dəriyə parlaqlıq verir və qırışların yaranmasının qarşısını alır. 

O, qanda melatonin səviyyəsini ar­tıraraq yuxu rejiminə kömək edir. Me­latonin və polifenol birləşmələri sayə­sində yüksək antioksidant təsirə malik qozun tərkibində maqnezium, sink, mis, dəmir, fosfor, eyni zamanda bir sıra vitaminlər var. 

Qoz qlutensiz pəhriz üçün uyğun­dur. Vegetarianların və veqanların bir sıra vitamin və mineral çatışmazlığın­dan əziyyət çəkməmələri üçün qoz yemələri məsləhətdir.

O, antioksidanlarla zəngin olduğu üçün yaşlanma ilə bağlı xəstəliklərin, xərçəngin və ürək-damar sistemi prob­lemlərinin qarşısını alır. 

Araşdırmalar göstərib ki, qozun müntəzəm istehlakı yeməkdən sonra meydana gələn pis xolesterinin (LDL) oksidləşdirici zərərini azaldır. Axşam televizor qarşısında çips və ya şoko­lad yemək vərdişi olanlar əvəzinə qozu seçə bilərlər. Qoz doyurucu olduğu üçün aclıq hissini və iştahı azaldır.

Arıqlamaq istəyənlər və ya eyni çə­kidə qalmaq fikrində olanlar gün ərzin­də 8 ədəddən çox qoz yeməməlidirlər.

Z.HÜSEYNLİ
XQ