El arasında çoxları “daban mahmızının çarəsi yoxdur” – fikri ilə razılaşırlar. Çünki belə insanlar müxtəlif müalicə götürüb nəticə görməyəndən sonra əllərini üzürlər. Mütəxəssislər bildirirlər ki, daban mahmızının (şporu) müalicəsi üçün yaxşı təsir edən türkəçarələr var. Onlardan biri də kartofla hazırlanan məlhəm reseptidir.
Bunun üçün kartof, təmiz bal və kələm götürülür. Kartofun qabığı soyulmadan dabana qoyulacaq formada halqa-halqa doğranır. Kiçik kələm yarpağı bıçaqla müxtəlif yerlərdən deşilir, üzərinə bir çay qaşığı bal sürtülür.
Karfof dilimi dabana qoyulur, ballı kələm yarpağı ilə üstü örtülür. Ayağa salafan torba keçirib, üstündən sıxan, dar yun corab geyilir ki, kartof tərpənməsin.
Bütün gecə dabanda qalır və səhər götürülür. Bu müalicə üsulu mütləq 10 gün təkrarlanmalıdır. Müalicənin sonunda mahmızın yumşaldığı, ağrının azaldığı müşahidə edilir.
Z.HÜSEYNLİ
XQ