N.N Petrov adına Milli Tibbi Onkoloji Mərkəzin onkoloqu, qastroenteroloq Artur Bernatski insanları kofedən imtina etməyə çağırıb. Bu barədə “Qazeta.ru” xəbər paylaşıb.
Həm də dietoloq kimi daim məsləhətlər verən həkim ən zərərli kofe kimi həll edilən “üçü birində”ni göstərib. Bildirib ki, həmin içkinin tərkibində kofein yox, teobromin vardır.
Teobromin, kakao bitkisində olan, C7H8N4O2 kimyəvi formula malik acı bir alkaloiddir. Ona görə həmin kofeni içənlər gümrahlaşmaq əvəzinə, yuxululuğa meyilli olurlar. Hazır kofenin tərkibində kofe turşusu, teobromin qalır ki, onun da orqanizmə yalnız zərəri vardır.
Bernatski “üçü birində” həlledilən içkini kofeinsiz kofe – “surroqat” (ögey qarında inkişaf edən körpə) adlandırıb.
Z.HÜSEYNLİ
XQ
