Azərbaycan Milli Elmlər Akademiyası, Elm və Təhsil Nazirliyi və ETN Molekulyar Biologiya və Biotexnologiyalar İnstitutunun birgə təşkilatçılığı ilə ümummilli lider Heydər Əliyevin anadan olmasının 100 illik yubileyinə həsr olunan “Heydər Əliyev və Azərbaycan təbiəti” mövzusunda beynəlxalq konfrans öz işinə başlayıb. 

Molekulyar Biologiya və Biotexno­logiyalar İnstitutunda təşkil olunan təd­birdən öncə iştirakçılar ulu öndər Hey­dər Əliyevə həsr olunan sərgi ilə tanış olublar. Daha sonra “Heydər Əliyev və Azərbaycan təbiəti” mövzusunda video­çarx nümayiş etdirilib.

Tədbiri giriş sözü ilə açan AMEA-nın prezidenti, akademik İsa Hə­bibbəyli Ümummilli liderin təbiət sahə­sinin inkişafına hər zaman böyük önəm verdiyini bildirib. Akademik İsa Həbib­bəyli qeyd edib ki, bu gün Azərbaycanın bir çox regionlarının dilbər guşələrə çev­rilməsinin, yaşıllıq sahələrinin artması­nın əsas səbəbi Ulu öndərin həm sovet hakimiyyəti illərində, həm də müstəqillik illərində yaşıllaşdırma hərəkatına geniş yer ayırması ilə bağlıdır. 

1970-ci illərdə molekulyar biologi­ya istiqamətinin yeni yaranmaqda ol­duğunu söyləyən AMEA rəhbəri məhz Heydər Əliyevin təşəbbüsü ilə Azər­baycanda xarici ölkə alimlərinin iştirakı ilə bu istiqamətə həsr olunmuş bey­nəlxalq konfransın keçirildiyini və res­publikamızda mo­lekulyar biologiya istiqamətinin qısa zamanda inkişaf etməyə başladığını deyib. 

Alim diqqətə çatdırıb ki, Ümummilli liderin dünya elminin nailiyyətlərini Azərbaycana gətirmək, Azərbaycanda kənd təsərrü­fatı, əkinçilik ənənələrini bərpa etmək istiqamətində atdığı addımlar, verdiyi tapşıqlar bu sahələrin inkişafında mü­hüm rol oynayıb. 

Çıxışının sonunda akademik İsa Həbibbəyli Ulu öndərimizin müdrik si­yasətini uğurla davam etdirən Prezident İlham Əliyevin təbiətə dövlət qayğısı­nı, biomüxtəlifliyin qorunmasını daim diqqət mərkəzində saxladığını söyləyib, dövlət başçısına bu istiqamətdə həya­ta keçirdiyi məqsədyönlü siyasətə görə Azərbaycan alimləri adından minnət­darlığını bildirib. 

Konfransda çıxış edən ekologiya və təbii sərvətlər nazirinin müavini Umay­ra Tağıyeva, kənd təsərrüfatı nazirinin müavini, texnika elmləri doktoru, pro­fessor Elçin Zeynalov, Elm və Təhsil Nazirliyinin nümayəndəsi Samir Həmi­dov, Bakı Dövlət Universitetinin Bota­nika və bitki fiziologiyası kafedrasının müdiri, AMEA-nın müxbir üzvü Elşad Qurbanov, Vəhşi Təbiəti Mühafizə Fondunun Azərbaycan ofisinin rəhbə­ri Elşad Əsgərov, Kembric şəhərində yerləşən Tibbi Tədqiqatlar Şurasının Molekulyar Biologiya İnstitutunun He­sablama struktur biologiyası qrupunun rəhbəri, ETN Molekulyar Biologiya və Biotexnologiyalar İnstitutunun Hesab­lama struktur biologiyası beynəlxalq la­boratoriyasının müdiri, professor Qərib Mürşüdov Azərbaycanın ətraf mühitin qorunması, ekoloji və bioloji təhlükə­sizliyin təmin edilməsi də daxil olmaqla bütün istiqamətlərdə Ümummilli liderin əsasını qoyduğu və Prezident İlham Əliyevin uğurla davam və inkişaf etdir­diyi siyasi kursu tam dəstəklədiklərini bildiriblər.

Daha sonda çıxış edən AMEA-nın vitse-prezidenti, akademik İradə Hüsey­nova ölkəmizdə molekulyar biologiya elminin inkişafı istiqamətində görülən iş­lərdən danışıb. O, Ulu öndərin rəhbərliyi dövründə gənc kadrların bu istiqamətdə təhsil almaq üçün dünyanın aparıcı uni­versitetlərinə göndərildiyini xatırladıb. Akademik İradə Hüseynova bu siyasəti uğurla davam etdirən Prezident İlham Əliyevin molekulyar biologiya sahəsi üzrə dövlət proqramları qəbul etdiyini, bu istiqamətdə artıq bakalavr hazırlığı­nın həyata keçirildiyini vurğulayıb. 

Konfrans işini bölmə iclasları ilə da­vam etdirib. İclaslarda mövzu ətrafında məruzələr dinlənilib, müzakirələr aparı­lıb. 

Qabil YUSİFOĞLU, “Xalq qəzeti”