Bəzi insanlar nəqliyyatdan istifadə edərkən, məsafənin yaxın-uzaq olmasından asılı olmayaraq, ürəkbulanma ilə qarşılaşır. Adətən, belə ürəkbulanmalara uşaqlar və yaşlı nəsil arasında, əsasən də, dəniz səyahəti zamanı təsadüf edilir.
Nevropotoloqların fikrincə, belə ürəkbulanma kinetoz və ya hərəkət xəstəliyi adlanır. Lakin tibbi nöqteyi-nəzərdən bu, “yalançı” xəstəlikdir. “Yalançı xəstəlik” – orqanizmin xüsusi vəziyyətidir. Bu, görmə orqanlarından beyinə daxil olan siqnalların uyğunsuzluğu səbəbindən yaranır.
Məsələn, bir şəxs telefona baxırsa və ya yaxınlaşan üfüq xəttini görmürsə, nəticədə, reaksiyaların qarşıdurması yaranır və həmin insanın vəziyyəti kəskin şəkildə pisləşir. Bu xəstəliyin müalicəsi yoxdur. Buna görə də ürəkbulanma ilə mübarizə üsulları fərdi seçilməlidir. Lakin bəzi məsləhətlərə əməl etməklə vəziyyəti idarə etmək olar:
Avtomobilin ağırlıq mərkəzinə yaxın oturmaq, güclü qoxulardan uzaq durmaq, ətir vurmamaq, düz irəli baxmaq, başı sağa, sola və aşağı əyməmək, zəncəfilli su və ya limon istifadə etmək, kitab oxumamaq və telefona baxmamaqla ürəkbulanmanın qarşısını, az da olsa, almaq olar.
Onu da qeyd edək ki, sürcünün arxasında oturanda ürəkbulanma baş vermir.