Yeni araşdırmada elm adamları yadplanetli həyatın mövcud ola biləcəyinə dair yeni bir ehtimalı araşdırıblar.

Güman edilir ki, “qravita­siya kilidi” adlanan yeni fe­nomen bəlkə də həyatı dərk etmək üçün əlverişli şərait yarada bilər. 

Məlum olduğu kimi, Yer və Ay bir-birinə bağlıdır və biz Yerdən baxanda həmişə Ayın eyni tərəfini görürük. Bu fenomen, əslində, kai­natda çox yayğındır və indi alimlər belə sistemlərdə yadplanetli həyatı axtarırlar.

Yeni araşdırmada astro­nomlar ekzoplanetin işıqlı və qaranlıq sahələri arasın­da yerləşən “terminator zo­nalarında” yerdənkənar hə­yatın mövcud ola biləcəyini irəli sürürlər. Bu ərazilərdə daimi toranlıq hökm sürdü­yündən temperaturun yük­sək olduğu gözlənilmir. 

Kaliforniya Universite­tindəki tədqiqatın aparıcı müəllifi, astrofizik Ana Lobo verdiyi açıqlamada bildirib: “Planetlərin daimi gündüz və gecə tərəfi var. Gündüz tərəfində qızmar, yaşayış üçün əlverişli olmayan, gecə tərəfi isə buzlu və ya­şayış üçün potensial yerdir”.

Astrobioloqlar tez-tez okean dünyalarına diqqət yetirərək araşdırmalar apa­rırlar. Çünki su həyatın vacib olan tərkib hissəsidir. Lakin Lobo və komanda üzvləri həyat üçün su qədər əhəmiyyətli ola biləcək yeni kəşflər etmək istəyirlər: “Biz geniş okeanlara malik olma­yan, lakin gölləri və ya digər kiçik maye su hövzələrinə malik ola biləcək planetlərə diqqəti cəlb etməyə çalı­şırıq. Bu iqlimlər, əslində, çox perspektivli ola bilər”, – deyə o bildirib. 

Səadət RZAYEVA, “Xalq qəzeti”