sos

Rəqəmsal texnologiya­nın inkişafını dəyərləndirən ölkələr analoji yenilikləri öz ordularında da tətbiq edirlər. Bu mənada, Azərbaycan Si­lahlı Qüvvələrində rabitə sis­temlərinin inkişafı məqsədilə görülən işlər də diqqəti cəlb edir. 

Milli Ordumuzda daya­nıqlı rabitənin təşkili və qo­şunların gizli idarə edilməsi yüksək səviyyədə həyata keçirilir. Qarşı tərəfin radi­oelektron mübarizə (REM) vasitələrinə qarşı ən müasir yeni rabitə vasitələri alınaraq istifadəyə verilib. Ordumu­zun silahlanmasına bir çox mobil rabitə kompleksləri də daxil edilib. Eyni zamanda, hərbçilərimizin arsenalında olan döyüş texnikalarındakı rabitə vasitələri müasir ra­diostansiyalarla əvəzlənir. Bundan əlavə, ordumuzda müasir tələblərə cavab verən cihazlarla təmin edilmiş labo­ratoriyalar fəaliyyət göstərir. Burada da istehsalatla yana­şı, peşəkar radiomexaniklər tərəfindən cari təmir işləri hə­yata keçirilir.

Keçən ilin iyul ayında Müdafiə Nazirliyinin Rabitə, İnformasiya Texnologiyala­rı və Kibertəhlükəsizlik Baş İdarəsinin yeni istifadəyə verilmiş Kiber Təhlükəsizlik Əməliyyatları Mərkəzi Azər­baycan Ordusunun informa­siya-kommunikasiya texno­logiyaları mühitinə fasiləsiz müşahidə və nəzarəti həyata keçirməklə kibertəhlükəsiz­liyin təminatında xüsusi rol oynayır.

Bizimlə fikirlərini bölüşən general-mayor Məhəmməd Eminov bildirdi ki, Azərbay­can Ordusunun bölmələri ən müasir rəqəmsal rabitə va­sitələri ilə təchiz edilib. 

– İşğaldan azad edilən ərazilərdə dislokasiya olunan bölmələrin idarə edilməsində dünyanın ən qabaqcıl ölkələ­rindən alınan rabitə texnika­sı və vasitələri işləyir. Ordu idarəçiliyində məxfililik və qoşunların gizli idarə olun­ması nəzərə alınıb. Silah­lanmamızda yer alan döyüş texnikalarının rabitə vasitələ­ri yeni müasir rəqəmsal radi­ostansiyalarla əvəz olunub.

Sülh və savaş dönə­mində, aralıqsız şəkildə potensial rəqiblərin rabitə sistemlərinin “dinlənməsi” hərbi təhlükəsizliyin vacib əməllərindən biridir. 44 gün­lük Vətən müharibəsində Azərbaycan Ordusunun Qələbə qazanmasında REM vasitələrinin rolu böyük olub. 

Azərbaycan Silahlı Qüvvələri labüd savaş sse­narisində düşmənin rabitə əlaqələrinin izlənməsi, eləcə də əlaqəyə müdaxilə detal­larını nəzərdən qaçırma­mışdı. Ordumuzun düşmən radiodalğalarında “fırtına qoparan” sistemlərlə təmina­tında ən önəmli yeri qardaş Türkiyənin ASELSAN şirkəti tutur.

Vətən müharibəsindən öncə və savaş günlərin­də ASELSAN-ın COMINT (Communications Intelligen­ce) sistemləri vasitəsi ilə düşmənin səs və məlumat yüklü radio dalğalarının axı­nını hədəf alan kommunika­siya kəşfiyyatı Azərbaycan Silahlı Qüvvələrinə bir çox üstünlüklər qazandırmışdı. Müharibənin gedişində hə­min sistemlər vasitəsilə düş­mənin hər gün orta hesabla 80 məlumatını dinləmək və lokasiyalarını təyin etmək mümkün olub.

Azərbaycan Ordusunun arsenalında yer alan və hərbi qüvvələrin imkanlarını əhə­miyyətli dərəcədə artıran bu sistem radar dalğalarını aş­karlayır, analiz edir, istiqamə­tini müəyyənləşdirir. Bununla yanaşı, hədəf radarları qarış­dırıb aldadaraq, onların funk­sionallığını pozur. 

Azərbaycan Müdafiə Sə­nayesi Nazirliyinin istehsalat müəssisələri də zaman-za­man REM vasitələrinin isteh­salı, hazırlanması və inkişafı istiqamətində müəyyən ad­dımlar atıblar.