“ABŞ-ın vitse-prezidenti Kamala Harris prezidentliyə namizəd qismində, Amerikanın erməni icmasına ünvanladığı müraciətdə “Dağlıq Qarabağ”dan olan ermənilərin qayıtmaq hüququna istinad edib.

İlk növbədə, qeyd edək ki, Azərbay­canda “Dağlıq Qarabağ” adlı bölgə yoxdur. Separatçılıq və işğalla assosiasiya olunan bu terminin işlədilməsi Azərbaycanın ərazi bütövlüyünə və suverenliyinə hörmətsizlik­dir”. Bu barədə Qərbi Azərbaycan İcması­nın bəyanatının davamında bildirilib:

“Bundan əlavə, ABŞ vitse-prezidenti­nin qayıdış hüququna yalnız etnik ermənilər üçün istinad etməsi ayrı-seçkilik xarakteri daşıyır. 

Biz vitse-prezident Harrisə müraciət edərək, onu Qərbi azərbaycanlıların təhlükə­siz və ləyaqətli şəkildə öz evlərinə qayıtmaq hüququna hörmət etməyə və qayıdış hüququ məsələsində etnik və ya dini mənsubiyyətə əsaslanan ayrı-seçkiliyə yol verməməyə ça­ğırırıq”.

***

Qərbi Azərbaycan İcması digər bəyana­tında Niderlandın xarici işlər nazirinin er­mənilərin Azərbaycanın Qarabağ bölgəsini guya, məcburən tərk etməsinə dair iddiasını pisləyib:

– Hamıya məlumdur ki, ermənilər Azərbaycan hökumətinin reinteqrasiya və vətəndaşlıq təklifini qəbul etməkdən imtina edərək, öz iradələri ilə Qarabağ bölgəsini tərk etmişlər.

Niderlandın Azərbaycana qarşı siste­matik olaraq əsassız iddialarla çıxış etməsi qəbuledilməzdir. Dekolonizasiyanı həyata keçirməkdən imtina edərək yerli əhalinin hüquqlarını pozan Niderlandın insan hüquq­ları və humanitar məsələlər barədə danışma­ğa mənəvi haqqı yoxdur.

Biz Niderlanddan Azərbaycana qarşı böhtan kampaniyasını dayandırmağı və Qər­bi azərbaycanlıların təhlükəsiz şəkildə geri qayıtmaq hüquqlarına hörmətlə yanaşmağı tələb edirik”.

XQ