Ermənipərəst siyasətçilər, media nümayəndələri yanlış narrativlər yayırdılar, Azərbay­canı reallıqdan çox uzaq bir şə­kildə təqdim edirdilər.

İlham ƏLİYEV,
Azərbaycan Respublikasının Prezidenti

II MƏQALƏ

Azərbaycanın tarixi həmləsi

Bəzən bu dünyada haqlı olduğunu sübut etmək çox çətin olur. Əgər ətraf­da çoxları bir dəlini ağıllı kimi, ağıllını da dəli kimi təqdim edirsə, onda doğrudan da onlar yerlərini dəyişə bilərlər. Ağıllı bütün təzyiqlərə tab gətirib, haqqı sona qədər qoruyarsa, qarşıdakılar tam sınmış olurlar. Dövlət səviyyəsində bu məsələlər daha mürəkkəb və ziddiyyətli xarakter da­şıyır. Ermənipərəst dairələrin (etiraf edək ki, informasiya savaşında onların təcrübə­si və texnoloji imkanları genişdir) davamlı olaraq Azərbaycan dövlətinə, xalqına, ziyalılarına, vətəndaşlarına şər-böhtan dolu həmlələr etməsi cəmiyyətdə xeyli psixoloji durğunluq yaratmışdı. 

İlham Əliyev zəkası və siyasi iradəsi ilə onların bütün həmlələrini qətiyyətlə dəf etdi. Bunu II Qarabağ savaşı zama­nı Prezidentin xarici jurnalistlərə verdiyi çoxsaylı müsahibələrindən aydın gör­dük. İlham Əliyev qərəzli suallara təmki­ni, ədaləti, məntiqi və dik duruşu ilə elə cavablar verirdi ki, qarşıdakı sarsılırdı! Şübhə yoxdur ki, dünya miqyasında həmin müsahibələrin siyasi, diplomatik, ideoloji və informasiya özəlliklərini hələ çox araşdıracaqlar. 

Bizim üçün həmin dövrdə informasiya savaşı meydanında isə bu, olduqca va­cib hadisə idi. Azərbaycan cəmiyyəti və xalqı əyani olaraq qərəzli dairələrlə necə savaşmağın nümunəsini göstərirdi. 30 il­lik informasiya həmlələri fonunda, bu, bi­zim qəhrəmanlıq nümunəmiz idi. Hər kəs Prezidentin müsahibəsindən sonra bir az da yüngülləşirdi, üstündən illərin informa­siya yükünü götürürdü. 

Bu, nəzəri və praktiki cəhətdən ma­raqlı bir fenomen idi. Çünki milyonlarla vətəndaş öz Prezidentinin informasiya müharibəsi meydanında təkbaşına necə mübarizə apardığını görürdü. Müşahidə edirdi. Görünən mənzərə 30 illik çalışqan­lığın, zəhmətin və yüksək zəkavi enerjini sərf etməyin məntiqi nəticəsi olduğu kimi, Zəfərdən sonrakı fəaliyyətimizin də iradi rəmzi idi! Prezident öz davranışı, müba­rizəsi ilə milyonları oyadır və səsləyirdi: Azərbaycanın ədalətli həmləsinin zamanı yetişmişdir!

İlham Əliyev II Qarabağ savaşı başla­nan andan eksklüziv olaraq nümayiş et­dirirdi ki, uzun müddət tarixi ədalətsizliyə hədəf olmuş Azərbaycanın əks-hücuma keçməsi təbii və tarixi haqqıdır. Milyonla­rın haqqıdır! Ona görə də hər bir cəbhə­də azərbaycanlının mübarizə aparması müqəddəsdir, hüquqidir, ədalətlidir, qa­nunidir! 

Prezidentin 2020-ci ilin payızında göstərdiyi həmin möhtəşəm informasiya fəaliyyəti bir oyanışın başlanğıcı oldu. Bu, hər kəsin səfərbərliyində təcəssüm etdi. Azərbaycan tarixi həmləsinə başla­mışdı.

Cəmi bir neçə gün öncə Prezident İlham Əliyev II Qlobal Şuşa Media Foru­munda jurnalistlər qarşısında eyni qürur­lu duruşu, yüksək zəkası, dəmir məntiqi və vətənsevərliyi ilə çıxış etdi. Bu dəfə başqa statusda – möhtəşəm qələbə qa­zanmış dövlətin, millətin, cəmiyyətin və bütövlükdə, Türk dünyasının lideri kimi danışırdı! Bu dəfə İlham Əliyev jurnalist­lərlə informasiya savaşı aparmırdı, ək­sinə, onların səmimi və yaxın dostu kimi Azərbaycana qarşı aparılan informasiya müharibəsinin, şər-böhtanın siyasi, infor­masion, diplomatik və ideoloji anatomi­yasını anladırdı. 2020-ci ilin 44 günündə nümayiş etdirdiyi eyni təmkin, yüksək zəka, ədalətli yanaşma və dərin təhlilləri ilə hər kəsi məftun edirdi.

İlham Əliyev “Cənubi Qafqazda ta­rixi-geosiyasi dəyişikliklər baş verir” tezisi ilə müasir geosiyasi və siyasi təlimlərin araşdırmaçılarına manşet mövzu verirdi. Yəqin onların daha ağıllı olanları Azər­baycan Prezidentinin II Qarabağ savaşı başlananda olduğu məkanla indi media forumu təşkil etdiyi məkanı müqayisə edə biləcəklər. İlham Əliyev informasiya savaşına Bakıdan başladı, Şuşada Qələ­bəsinin fəlsəfəsini anlatdı! Yalnız qalib sərkərdə kimi deyil, daha çox müdrik, uzaqgörən və təmkinli lider kimi. Bu da Azərbaycan Prezidentinin şər qüvvələr üzərində mənəvi qələbəsinin bir fraq­mentidir. Çünki mübarizə davam edir, irəlidə görüləsi çox işlər vardır. O işlərin təməli 44 günlük savaşdan dərhal sonra regionda yaranmış geosiyasi, siyasi və hərbi vəziyyətdə qoyulmuşdu! 

44 gün sonra

Məlum oldu ki, Azərbaycan Preziden­ti bütün regionun geosiyasi dinamikasını dəyişməkdə qərarlıdır. Sözün həqiqi mə­nasında, xüsusilə, Qərbin güclü dövlətlə­rinin liderləri bunu qəbul etmək istəmə­dilər və müyyən mənada şoka düşdülər. Həm də ona görə ki, İlham Əliyev bu qətiyyətini ədalət və beynəlxalq hüquq normaları çərçivəsində ardıcıllıqla hə­yata keçirirdi. İnformasiya cəbhəsində Azərbaycan Prezidenti aramsız həmlələr edirdi. Qısa müddətdə Qərbə, Rusiyaya və İrana anlatdı ki, Azərbaycan Cənubi Qafqazın geosiyasi ruhunu dəyişəcək və yeni əməkdaşlıq, təhlükəsizlik mühiti yaradacaq! 

Biz həmin mərhələdə müxtəlif şəhər­lərdə, fərqli ermənipərəstlərin iştirakı ilə keçirilən görüşlərin üzərində dayanmırıq. Biz həmin epizodları da təsadüfən ətraf­lı qeyd etmirik. Çünki məhz 44 günlük savaşdan sonra, ondan az əhəmiyyətli olmayan siyasi-diplomatik və informasi­ya müharibəsi gedirdi. Məhz həmin mər­hələdə Azərbaycanın etdiyi təkliflər, irəli sürdüyü şərtlər, dialoq imkanlarını təşviq etməsi qarşı tərəfi yavaş-yavaş ayıltdı. Bu gün Şuşanın informasiya məkanında gördüyümüz təmtəraqlı və ədalətli ab-ha­vanın əsası o dövrdə masa ətrafinda gər­gin müzakirələrin istiliyində qoyulurdu. Yəni 44 gündən sonrakı mərhələ 44 gün qədər əhəmiyyətli və vacib zaman kəsi­midir! 

Yeni cəbhələr və üfüqlər

Ermənistanın havadarlarının göz­ləmədikləri bir mqavimətlə rastlaşmaları onları bir müddət şoka saldı. Lakin təc­rübəli siyasi-ideoloji texnoloqlar və tarixi böhtançılar yeni üsullar axtarışından qal­mırdılar. Aydın görünürdü ki, informasiya müharibəsinin səngərini Azərbaycanın qarşısında qurmaqla bir şeyə nail ola bilməyəcəklər. Ona görə də həmin sən­gərləri maskalı surətdə Azərbaycanın içərilərində yaratmağa başladılar. Çox müxtəlif üsul və bəhanələrlə Azərbaycan cəmiyyətində özünə qarşı inamsızlıq və ümidsizlik, iqtidar-xalq qarşıdurması ya­ratmağa və azərbaycanlılara mənəvi zər­bələr vurmağa cəhdlər etdilər. Bu dəfə demokratiya, insan haqları, söz azadlığı kimi faktorlardan daha peşəkarcasına is­tifadə etməyə başladılar. 

O sırada Qərbə getmiş azəraycanlıla­rın bir neçəsindən yararlanmağa çalışdı­lar. Lakin bəlkə də tarixin istehzasıdır ki, həmin gedənlərdən biri Şuşada Azərbay­can Prezidentinə sual verdi və ölkəmiz haqqında qürurla danışdı. İlham Əliye­vin reaksiyası həmişə olduğu kimi, çox ədalətli oldu: “Vətənə xoş gəlmisiniz!” La­kin 2020-2024-cü illər arası müxtəlif da­irələrin küyünə gedən bir sıra soydaşımız informasiya müharibəsində qarşı tərəfdə durmağı özünə rəva bildi. Məlum təbii sərvətlərin qanunsuz istismarı ilə bağlı Azərbaycnın gərgin və intensiv siyasi, ideoloji, diplomatik və informasiya savaşı apardığı bir dönəmdə bəziləri haqsızın yanında – ermənilərin qərbli havadarları­nın yanında durdular. Acınacaqlıdır, lakin Azərbaycan bunu da keçdi.

Həmin böhran sona çatanda aydın oldu ki, Qərbin demokratiya, liberalizm və insan haqları üzərində qurmaq istədiyi yeni oyunların potensialı tükənir. Azər­baycan cəmiyyəti bu kimi təxribatları dəf etmək immunitetini daha da möhkəmlən­dirdi. O zaman emənipərəstlər informasi­ya savaşının yeni mərhələsinə keçdilər. Gizli, amansız və olduqca təhlükəli bir mərhələ başladı. 

Peşəkar təxirbatçıların “mülki missiyaları”

Onlar əsas güclərini iki istiqamətə yönəltdilər. Birincisi, Azərbaycan cəmiy­yətini daxildən parçalamağa istiqamət­lənmiş addımlar atdılar. Prezident İlham Əliyev bunu Şuşada çox gösəl ifadə et­mişdir. İlham Əliyev demişdir: “Natamam, qeyri-dəqiq və manipulyasiya edilmiş he­sabatlar Qərbdən qaynaqlanır. O, gündə­lik həyatımıza çevrilir. Təəccüblənirdik, məyus olurduq, indi isə biganə yanaşı­rıq”. 

Xarici informasiya mənbələri Azər­baycan və azərbaycanlılar haqqında manipulyativ məlumatlar yaymaqla cə­miyyətin mənəvi-ideoloji ab-havasını dəyişməyə səy göstərirlər. Eyni zama­da, vətəndaşların gözündən Azərbaycan dövlətçiliyini salmaq üçün dəridən-qabıq­dan çıxırlar. Azərbaycanı haqsız göstər­mək üçün absurd ittihamlar belə irəli sü­rürlər. 

Məsələn, Avropa siyasi dairələri II Qa­rabağ savaşını “Azərbaycan Qarabağda terror edir” kimi təqdim etməyə çalışdılar. Absurd kontekstlərdə insan haqlarından dəm vurmağa başladılar. Onların de­diklərinə inanılsa idi, onda Azərbaycan əsgəri hər addımında “terrorçu” olma­lı idi. Terrorçu isə “azadlıq aşiqi”! Sanki Qrabağda məhv edilmiş azərbaycanlılar, ümumiyyətlə, mövcud olmamışlar. On­ların yurdlarına qayıtmaq hüququndan Qərbdə kəlmə belə kəsmirdilər. Əvəzin­də Laçın yolundan elə informasiya spe­kulyasiyaları etdilər ki, sonda heç özləri də inanmadılar. Bütün bu cəhdlərin sonu puç oldu!

Lakin erməni havadarlarının başqa bir süni priyomu da ortaya çıxmışdı. Qərblilər keçmiş peşəkar təxribatçılardan “mülki missiya” düzəldərək Ermənistana atdılar. Onlar indi sərhədin o tərəfindən Azərbaycanı müşahidə edirlər. Hərbi-təx­ribatçı xislətli bu “mülki missiya” Bakının ağıllı və təmkinli reaksiyası ilə tam yarar­sız hala düşdü. İndi onlar kimsənin, hətta ermənilərin belə yadına düşmür. Xüsu­silə Fransa tərəfi bir neçə dəfə yardım adı altında təxribat törətməyə cəhd etdi və layiqli cavabını aldı. 

Azərbaycan Qarabağda real quru­culuq işləri görməklə yanaşı, dünya ça­pında güclü informasiya müharibəsini paralel apara bildi. Bunun başlıca əlamə­ti bir neçə dövlət başçısının Qarabağa səfər etməsi oldu. Macarıstan, Belarus, Türkiyə, Qazaxıstan, Özbəkistan, Qır­ğızıstan dövlətinin rəhbərləri Qarabağa gəldilər və konkret layihələr həyata keçir­mək haqqında razılaşmalar əldə oundu. Bununla Azərbaycan qarşı tərəfə praktiki layihələri və ədalətli informasiya savaşı ilə cavab verdi. 

İndi Prezident İlham Əliyevin Şuşada irəli sürdüyü təklif bütün dünya üçün fay­dalıdır. Azərbaycan dövlət başçısı demiş­dir: “İstərdik ki, Azərbaycanda və region­da baş verən hadisələr obyektiv şəkildə işıqlandırılsın”. Yuxarıda üzərində ötəri dayandığımız bir çox informativ məqam­ların işğında bu tezis çox aktual və lazım­lı görünür. Azərbaycan Prezidenti faktiki olaraq bütün KİV orqanlarına növbəti dəfə reallığı görüb, ona uyğun davran­mağı təklif edir. Bunu ifadə etməyə İlham Əliyevin tam haqqı vardır. Çünki o, bütün çətinliklərə və ziddiyyətlərə baxmayaraq, Cənubi Qafqazı yeni geosiyasi müstə­viyə çıxara bilmişdir. İndi isə onu qoru­maq məsuliyyətini tam dərk edir. 

Bu, informasiya müharibəsinin həm bir mərhələsinin sonu, həm də yeni mər­hələsinin başlanğıcıdır. Bu dəfə də Azər­baycan Prezidenti hər kəsi qabaqlaya bilmişdir!

(ardı var)

Füzuli QURBANOV,
XQ-nin analitiki, fəlsəfə elmləri doktoru