“Meşəlidə qətliam törədən cinayətkarlar qanun qarşısında cavab verməlidir”. Bunu “Srebrenitsa Anaları” Assosiasiyasının sədri, tanınmış hüquq müdafiəçisi Munira Subaşiç deyib.

O, müharibə cinayətkarı Vaqif Xaçatryanın ələ keçi­rilməsi münasibətilə Meşəli kəndinin analarına üz tu­taraq bildirib ki, onlar məh­kəmələrə gedib cinayətkarın üzünə baxsınlar və ona de­sinlər ki, törətdiklərinə görə mühakimə olunmaq, cavab vermək anı yetişib.

Munira Subaşiç sonra bildirib: “Hörmətli qurban ailələri, sizə sevgi və sala­mımı çatdırır, həmçinin, sizi müharibə cinayətkarını ələ keçirdiyiniz və onu ədalətə təslim etdiyiniz üçün təb­rik edirəm. Oğullarınızı öl­dürən, sizdən alan, onlara işgəncə verən cinayətkar­ların qanun qarşısında ca­vab verməsi çox vacibdir. Yalnız haqq və ədalət uğ­runda mübarizənizi davam etdirsəniz, bu, baş verəcək. Cinayətkarların oğullarınıza qarşı törətdikləri cinayətlər barədə məhkəmədə ifadə verməlisiniz. Əziz analar, siz mübarizə aparmalısınız, haqq-ədalət uğrunda müba­rizədən əl çəkməməlisiniz. Məhkəməyə gedin, cinayət­karın gözünə baxın və ifadə verin. Ona deyin ki, törətdik­lərinə görə cavab verməyin vaxtı çatıb”.

“Xalq qəzeti”