Müsahibimiz fəlsəfə elmləri doktoru, professor, siyasi şərhçi Mübariz Məmmədlidir 

– Professor, bölgədə mövcud və­ziyyəti necə dəyərləndirirsiniz?

– Bu gün Cənubi Qafqazda hər­bi-siyasi gərginliyi artıraraq burada yeni müharibə ocağı yaratmaqda ma­raqlı olan qüvvələr var. Onlar son vaxt­lar çox fəallaşıblar. Xüsusilə Fransa açıq-aşkar mürtəce, imperialist mövqe sərgiləyir. 

Lakin bu bədxah cəhdlər əbəs­dir. Azərbaycan dövləti regionda bey­nəlxalq hüquqa və normalara, humanist və ədalətə əsaslanan prinsipial siyasət həyata keçirir. Qardaş Türkiyə və onun müdrik lideri Rəcəb Tayyib Ərdoğan Azərbaycanın ədalətli mövqeyini birmə­nalı olaraq dəstəkləyir. Ölkəmizin dost­ları da bizimlə həmrəydir. 

– Böyük güclərin son dövrdə regi­ona artan marağı nə ilə bağlıdır? 

– Bilirsinizmi, Cənubi Qafqaz özü­nün yeraltı və yerüstü sərvətləri ilə zən­gin olduğu üçün böyük dövlətləri daim özünə cəlb edib. 1990-cı illərin əvvəllə­rində Sovetlər Birliyi dağılandan sonra Azərbaycan, Gürcüstan və Ermənista­nın həyatında gərgin ictimai-siyasi pro­seslər baş verdi. 

Ulu öndər Heydər Əliyevin Azərbay­canda siyasi hakimiyyətə qayıdışından sonra ölkəmizdə ictimai-siyasi sabitliyin bərqərar olunması, milli dövlətçiliyimi­zin möhkəmləndirilməsi istiqamətində uğurlu işlər görüldü. Ölkəmiz inkişaf və tərəqqi yoluna qədəm qoydu. 

Görünən budur ki, Azərbaycan Cə­nubi Qafqazdakı hər iki qonşusu ilə müqayisədə daha çox sabitlik nümayiş etdirə bildi. 2020-ci ilin payızında 44 günlük şanlı savaşda xalqımızın düş­mən üzərində parlaq qələbəsi ölkəmizin nüfuzunu birə-on artırdı. 

– Bakı diplomatik sahədə də fərqlənir, deyilmi? 

– Əlbəttə, belədir. Azərbaycan son otuz ildə uğurlu xarici siyasət kursu hə­yata keçirir. Rusiya ilə olan münasibət­lər, istərsə də Amerika Birləşmiş Ştatları ilə olan münasibətlərimiz, eləcə də Av­ropa və Yaxın Şərq ölkələri ilə əmək­daşlığımız qarşılıqlı inam və etimada əsaslanır. 

Bir sıra böyük dövlətlər bizim əra­zimizdən öz maraqları üçün faydalan­mağa cəhd ediblər. Rəsmi Bakı hər dəfə qətiyyətlə “yox” deyib. Azərbayca­nın rəhbəri bildirib ki, ölkəmizin ərazisi üçüncü bir ölkəyə qarşı istifadə edilə bilməz. Bu, bizim üçün yolverilməzdir! 

Azərbaycan bu siyasətində sabitdir. Amma Ermənistanın başçıları böyük dövlətlərin təzyiqlərinə dözə bilmirlər, bu ölkədən qonşularına qarşı bir alət kimi istifadə edirlər. Təəssüf ki, ermə­nilər reallığı düzgün qiymətləndirə bil­mirlər. 

– Hazırda regionda ən çox Fransa destruktiv qüvvə rolunda çıxış edir. Parisin niyyəti nədir? 

– Afrikada Rusiya və Çinə udu­zan Makron Fransası nədənsə Cənubi Qafqazda əzələ nümayiş etdirməyə, bununla da özünü beynəlxalq güc kimi təqdim etməyə çalışır. 

Fransanın aktivliyinin daxili səbəb­ləri də var. Bu, ilk növbədə, ölkədə keçiriləcək seçkilərlə bağlıdır. Oradakı siyasi dairələr ermeni elektoratdan müəyyən dəstək qazanmaq istəyir. 

Görürsünüzmü, Fransa Laçın yolu ilə bağlı ardı-arası kəsilmədən əsassız bəyanatlar verir. Paris, Marsel və Stras­burq şəhərlərinin merlərinin humanitar yük toplayıb Qarabağ əhalisinə gön­dərmələri siyasi şoudan başqa bir şey deyil. 

Qlobal media anti-Azərbaycan is­terikasını körükləyir. Bizim BMT-dəki daimi nümayəndəmiz Yaşar Əliyev er­mənilərin Xankəndidə öz keflərindən qalmadığı barədə sübutlar nümayiş etdirdi. Ermənistan silahlı qüvvələrinin Qarabağda törətdikləri vəhşiliklər barə­də hazırda nə danışan, nə də yazan var. 

– Görünür, erməni lobbisi fran­sız siyasətçilərinə “hədsiz səxavət” göstərir...

– Haqlısınız. Paris meri Madam İdalqo növbəti prezident seçkilərində öz namizədliyini irəli sürmək fikrindədir. Er­mənilər ona şahmat taxtası üzərindəki piyadalar kimi lazımdır. Merin niyyəti er­məniəsilli seçicilərin səsini qazanmaq­dır.

Üstəlik, Marsel və Strasburq şəhər­lərinin merləri də erməni lobbisinin xərclədiyi pullara adekvat hay-küy sa­lırlar. Yəni, Fransanın öz maraqları var. Bəllidir ki, indi Fransa vaxtilə dünyada qazandığı hörməti itirib. 

Bugünkü Fransanın siyasəti nə Jak Şirakın, nə Mitteranın, nə Şarl De Qol­lun siyasətidir. İndi bu ölkəni Makron kimi səriştəsiz və qərəzli siyasətçilər yönəldir. Ona görə də Fransa özünə dünya xalqları arasında hörmət qazana bilməz. 

Mən sizə bir faktı deyim. 2015-ci ildə Parisdə idim. Bilirsiniz ki, Paris dairələrə bölünüb. Beşinci dairənin departamen­tində bizim nümayandə heyətindən bir nəfərin çantası oğurlandı və içində tele­fonları, bank kartları getdi. 

Yəni, bu Parisdə baş vermişdi. De­dilər ki, Parisdə oğurluq halları tez-tez baş verir. Bu gün Fransada milli-etnik, sosial zəmində kəskin etiraz aksiyaları keçirilir. Ölkədə cinayətkarlıq yüksələn xətlə inkişaf edir. Ermənilərin sıx, kom­pakt yaşadığı Marsel şəhəri dünyanın ən qorxulu şəhərlərindən birinə çevrilib. 

Demək istəyirəm ki, Fransa hö­kuməti öz problemlərini qoyub Cənubi Qafqaz xalqlarına dərs verməyə çalışır. 

Söhbəti qələmə aldılar:
Ceyran CƏFƏRLİ,
Məsaim ABDULLAYEV
XQ