Kanada Azərbaycan Evinin nəzdində fəaliyyət göstərən “Mənim Azərbaycanım” həftəsonu məktəbinin şagirdləri Toronto şəhərində keçirilən “Diwali” festivalında iştirak ediblər.
Diasporla İş üzrə Dövlət Komitəsindən verilən məlumata görə, şagirdlər festival çərçivəsində həftəsonu məktəbinin müəllimi Orxan İslamovun bədii rəhbərliyi ilə səhnəyə çıxaraq “Sarı Gəlin”, “Naz eləmə”, “Yallı” və digər Azərbaycan milli rəqslərini ifa ediblər. Rəqslərimiz böyük maraq və alqışlarla qarşılanıb.
Tədbirin sonunda “Mənim Azərbaycanım” həftəsonu məktəbinin şagirdlərinə festivalda fəal iştiraklarına görə sertifikatlar təqdim olunub.
Mustafa Kamal
XQ
