AMEA Əlyazmalar İnstitutunun əməkdaşı, filologiya üzrə fəlsəfə doktoru Əli Məmmədbağıroğlunun bu adda kitabı institutun Elmi Şurasının qərarı ilə “Elm və təhsil” nəşriyyatında çap olunub.
Əsərdə əlyazma kitablarının paleoqrafik və mətnşünaslıq məsələləri işıqlandırılıb. Kitabın elmi redaktoru filologiya elmləri doktoru Paşa Kərimov, rəyçiləri professorlar Azadə Musayeva və Kamil Allahyarovdur.
Əsərdə 32 əlyazmanın ayrı-ayrılıqda təsviri verilib, bu mənbələrin onların paleoqrafik xüsusiyyətləri, kağızı və filiqranı, köçürülmə tarixi və yeri, bədii tərtibatı, kataloqlaşdırılması, Füzuli əlyazmalarında mətnşünaslıq məsələləri araşdırılıb. Kitab mətnşünaslıqla məşğul olmaq istəyən tədqiqatçılar, doktorantlar, tələbələr üçün dəyərli və maraqlı vəsaitdir.
Ə.DOSTƏLİ
XQ
