Dünən Şuşada Heydər Əliyev Fondu və Mədəniyyət Nazirliyinin təşkilatçılığı ilə ənənəvi Vaqif Poeziya Günlərinə start verilib. Sənət bayramında rəsmilər, ədəbiyyat, mədəniyyət və elm xadimləri, habelə Azərbaycan Yazıçılar Birliyinin 90 illik yubileyi münasibətilə ölkəmizdə səfərdə olan türk dövlətləri şair və yazıçıları iştirak edirlər. 

Bu gün Vaqif Po­eziya Günləri çərçivə­sində Şuşanın müxtə­lif tarixi yerlərində və təbiət abidələrində – Heydər Əliyev Fon­dunun bərpa etdiyi Molla Pənah Vaqi­fin muzey-məqbərə kompleksində, Cıdır düzündə, eləcə də Natəvanın evi, Şuşa Şəhər İcra Hakimiyyə­tinin qarşısı və Şuşa Otel-Konqres Mərkə­zində müxtəlif şənlik və mədəni aksiyalar keçiriləcək.

Xatırladaq ki, ümummilli lider Hey­dər Əliyevin iştirakı ilə 1982-ci il yanvarın 14-də Şuşada böyük şair və dövlət xadimi Molla Pənah Vaqifin məqbərəsinin və Poeziya evinin təntənəli açılışı olub. Həmin gün ulu öndər Heydər Əliyev ədəbiyyat xadimlərimizin təşəbbü­sünü dəstəkləyərək Vaqif Poeziya Gün­lərinin keçirilməsi ilə bağlı göstəriş verib. Söz-sənət bayramı ilk dəfə 1982-ci ilin iyulunda təşkil edilib.

XQ