Şərur rayonunun Xələc kəndi əra­zisində fəaliyyət göstərən arxeoloji ekspedisiyanın məqsədi Azərbayca­nın Yaxın Şərqlə sərhəd bölgəsində, xüsusilə, Naxçıvan diyarında qədim arxeoloji mədəniyyətlərarası keçidin xüsusiyyətləri və Cənubi Qafqaz–Yaxın Şərq əlaqələrində yeri ilə bağlı faktları araşdırmaqdan ibarətdir.

Ekspedisiya AMEA Naxçıvan Bölməsi Tarix, Etnoqrafiya və Arxe­ologiya İnstitutunun Arxeoloji xidmət şöbəsinin müdiri, tarix üzrə fəlsəfə doktoru, dosent Zeynəb Quliyevanın rəhbərliyi ilə ötən aydan fəaliyyətə başlayıb. AMEA Naxçıvan Bölməsi və Naxçıvan Muxtar Respublikası Mədəniyyət Nazirliyi əməkdaşların­dan ibarət komissiya qazıntı yerində aparılan araşdırmaların vəziyyəti ilə tanış olarkən Zeynəb Quliyeva hələ­lik, əldə olunan ilkin nəticələr barə­də məlumat verib. O deyib ki, daha əvvəllər qazıntılar zamanı müxtəlif dövrlərə aid keramika nümunələri­nin qeydə alınması buranın çoxtə­bəqəli abidə olduğunu göstərirdi. Bu baxımdan II Xələcdən aşkar edilən tapıntılar Naxçıvanda Antik dövr mədəniyyətinin öyrənilməsi üçün əhəmiyyətlidir.

Hələlik, əldə edilən ilkin tapın­tılar nisbi xronologiyanı e.ə. I mi­nilliyin 2-ci yarısı – eramızın III–IV əsrləri arasında müəyyənləşdir­məyə imkan verir. Araşdırmaların I mərhələsi maddi mədəniyyət abi­dəsi, keramika nümunələri və başqa arxeoloji materialların aşkar olun­ması ilə əlamətdardır. İyulun 28-dək davam edəcək qazıntıların növbəti mərhələsində də yeni faktların əldə ediləcəyi istisna edilmir.

XQ