Türkiyə Böyük Millət Məclisinin Milli təhsil, mədəniyyət, gənclik və idman komissiyasının sədri Mahmud Özer və komissiyanın üzvləri Milli Azərbaycan Ədəbiyyatı Muzeyini ziyarət ediblər.

Nümayəndə heyətini mu­zeyin direktoru, Milli Məclisin deputatı, akademik Rafael Hüseynov qarşılayaraq onları muzeyin ekspozisiya zalları ilə tanış edib, Azərbaycan klas­sik ədəbiyyatının görkəmli nü­mayəndələri və türkdilli xalq­ların qədim yazılı abidələri haqqında ətraflı məlumatlan­dırıb. Qonaqlar muzeyin zən­gin ekspozisiyasını maraqla seyr ediblər. Sonra Rafael Hüseynov türkiyəli nümayən­dələri muzeyin İstiqlal zalı ilə tanış edib, onlara Azərbaycan Xalq Cümhuriyyətinin qurucu­larının bu məkanda öz iclas və görüşlərini keçirdiklərini və bu möhtəşəm salonun onların əziz xatirəsinə görə “İstiqlal zalı” adlandırıldığını bidirib. 

Türkiyə Böyük Millət Məcli­sinin komissiya sədri Mahmud Özer Azərbaycan və Türkiyə arasında dostluq əlaqələrinin hər gün daha da möhkəmlən­məsindən danışaraq iki qar­daş ölkəni ortaq ədəbi-mədəni dəyərlərin birləşdirdiyini vur­ğulayıb.

Qabil YUSİFOĞLU
XQ