Azərbaycan Dövlət Opera və Balet Teatrının solisti, Əməkdar artist Afaq Abbasova İtaliyada görkəmli italyan bəstəkarı Cakomo Puççininin “Bogema” operasında çıxış edib.
Xatırladaq ki, istedadlı sənətçi əvvəllər Bakı səhnəsində də “Bogema”nın aparıcı partiyalarını ifa edib. Bu dəfə isə opera Apennin ölkəsinin Torre del Laqo şəhərində tanınmış rejissor Qriça Asaqarov və dirijor Marko Severinin rəhbərliyi ilə Böyük Puççini Teatrında səhnələşdirilib. Tamaşada baş roldakı Mimi obrazını Afaq Abbasova ifa edib.
Əməkdar artist İtaliyada və digər ölkələrdə səhnələşdirilən tamaşalarda çıxışından və ölkəmizi təmsil etməkdən məmnunluğunu ifadə edib. Bildirib ki, tamaşa davamlı olaraq İtaliyanın Lukka şəhərindəki Teatro del Giglioda və digər şəhərlərdə şəhnələşdirilir. Tamaşanın gələcəkdə kiçik formatda Bakıda səhnələşdirilməsi nəzərdə tutulur.
XQ
