Elm və Təhsil Nazirliyi, Mədəniyyət Nazirliyi və Bülbül adına orta ixtisas musiqi məktəbinin birgə təşkilatçılığı ilə Xalq artisti, bəstəkar Süleyman Ələsgərovun 100 illik yubileyinə həsr edilmiş milli musiqi alətləri ifaçıları və xanəndələrinin respublika festival – müsabiqəsi keçirilib. 

Müsabiqə respublikada gənc iste­dadların inkişafının dəstəklənməsi, ifaçı­lıq sənətininin inkişafı məqsədi ilə təşkil olunub. Respublikanın müxtəlif rayon və şəhərlərindən uşaq musiqi və incəsənət məktəblərinin qatıldığı bu müsabiqədə 420 nəfər iştirak edərək, diplom və fəxri fərmanlarla təltif edilib. Müsabiqənin son günü Beynəlxalq Muğam Mərkəzində qa­liblərin ifasında qala-konsert keçirilib və onlara diplom və fəxri fərmanlar təqdim edilib. 

Müsabiqədə 1-ci yer tutanlar ara­sında Leopold və Mstislav Rostropoviç­lər adına 21 nömrəli musiqi məktəbinin xanəndəlik sinfinin 3-cü sinif şagirdi 10 yaşlı Elay Əliyevin fikirlərini öyrəndik.

– Müsabiqədə 2-ci dəfə iştirak edirəm. Keçənilki müsabiqədə qalib gələ bilməmişdim. Amma hazırlaşdım və bu­dəfəki müsabiqədə qalib oldum. Yarışın münsifləri arasında Əməkdar artist Nu­riyyə Hüseynova da var idi. Həyəcanlı olsam da, sözləri Zeynal Cabbarzadəyə, musiqisi Cahangir Cahangirova məxsus olan “Ay qız” mahnısını ifa etdim və mün­siflər tərəfindən bəyənildi. Qalib olmağım məni daha da həvəsləndirdi. Növbəti mü­sabiqələrdə yenə də xalq musiqilərimizə müraciət edəcək və daha da yaxşı oxu­mağa çalışacağam. 

Qeyd edək ki, Elay Əliyev Rostropo­viçlər adına 21 nömrəli musiqi məktəbi­nin müəllimi Şirazi Quliyevin tələbəsidir. 

XQ