Dünən tanınmış şair İlham Qəhrəmanın “Laçın lətifələri” və “Dəyirmanın su dərdi” kitablarının imza mərasimi oldu.
Məclisi giriş sözü ilə açan Aşıq Nəbi Nağıyev İlham Qəhrəmanın yeni kitablarında toplanmış şeirlərin mövzu və poetik xüsusiyyətləri barədə məlumat verdi.
Şairlərdən Kamil Vəfadar, Əlisəmid Kür, alim Ələmdar Şahverdiyev, professor Şikar Qasımov və digərləri özünəməxsus obrazların, bədii tapıntıların, bənzərsiz ifadə tərzinin İlham Qəhrəman poeziyasını səciyyələndirən amillər olduğunu bildirdilər. Onlar bu poetik nümunələrin xalq şeiri ruhunda yazıldığını vurğuladılar, eləcə də hər iki kitabda müasir poeziyamızın ədəbi normalarının yüksək səviyyədə cavablandırıldığını qeyd etdilər.
Aşıqlar Çingiz Mehtipur, Nazim Gədəbəyli, Qızqayıt Kəlbəcərli, Ramin Qarayev, Təbriz Vəliyev, Bəhmən Göyçəli, Nəbi Nağıyev istedadlı şairin şeirlərinə bəstələnmiş mahnıları ifa etdilər.
İlham Qəhrəman tədbir iştirakçılarına dərin təşəkkürünü bildirdi, sonra müəllifin imza mərasimi keçirildi.
Fuad CƏFƏRLİ
XQ
