5-7 sentyabr tarixlərində Milli Azərbaycan Tarixi Muzeyində Türkiyənin Aydın Adnan Menderes, Səlcuq Universitetləri və Azərbaycan Milli Elmlər Akademiyası (AMEA) tərəfindən təşkil olunmuş 17-ci Türk Sənəti, Tarixi və Folkloru Konfransı keçirilib. Beynəlxalq konfrans Milli Azərbaycan Tarixi Muzeyinin direktoru, akademik Nailə Vəlixanlının elmi fəaliyyətinə həsr olunub.
Beynəlxalq konfransda Azərbaycan, Türkiyə, Özbəkistan, Türkmənistan, Ukrayna, İran, Rusiya, Moldova, Hindistan və digər ölkələrdən tanınmış alim və tədqiqatçılar iştirak (əyani və onlayn) edib. Tədbirdə giriş sözü ilə çıxış edən Azərbaycan Milli Elmlər Akademiyasının prezidenti akademik İsa Həbibbəyli konfransın elmi, ədəbi və mədəni əlaqələrimizin inkişafında mühüm rolundan, eyni zamanda akademik Nailə Vəlixanlının tariximizin tədqiqinə dair elmi əsərlərindən, yaradıcılığından söz açıb.
Tədbirdə muzeyin direktoru, akademik Nailə Vəlixanlı, AMEA-nın A.A.Bakıxanov adına Tarix İnstitutunun baş direktoru tarix elmləri doktoru, professor Kərim Şükürov, muzeyin icraçı direktoru, dosent Fərhad Cabbarov, Türkiyənin Aydın Adnan Menderes Universitetinin professoru Ahmet Aytaç və Səlçuk Universitetinin professoru Osman Kunduracı türk sənəti, tarixi və folklorundan bəhs ediblər.
Hər il Türkiyədə keçirilən beynəlxalq konfransda iştirak edən Nizami Gəncəvi adına Milli Azərbaycan Ədəbiyyatı Muzeyinin əməkdaşları da ənənəyə sadiq qalaraq Azərbaycanda gerçəkləşən konfransa maraqlı mövzularla qoşulub. Muzeyin əməkdaşlarından filologiya üzrə fəlsəfə doktoru Sevinc Heydərova “Ədəbiyyatımızın inciləri Nizami Muzeyində” və sənətşünaslıq üzrə fəlsəfə doktoru Nailə Əliyeva “Nizami Muzeyinin UNESCO əhəmiyyətli eksponatı” mövzuları ilə çıxış ediblər. |Hər ik məruzə konfrans iştirakçıları tərəfindən maraqla qarşılanıb.
Tədbir çərçivəsində Milli Azərbaycan Tarix Muzeyinin eksponatları əsasında sərgi nümayiş edilib, Azərbaycan Milli Geyimlər Dəfiləsi sərgilənib və Azərbaycan musiqi sənətinin nümunələri səsləndirilib.
XQ