Özbəkistandakı Heydər Əliyev adına Azərbaycan Mədəniyyət Mərkəzinin (AMM) dəstəyi ilə Mukimi adına Özbəkistan Dövlət Musiqili Teatrında Məcid Şamxalovun “Qaynana” musiqili komediyasının özbək dilində təqdimatı olub. 

Tamaşadan əvvəl teatrın direktoru, Özbəkistanın və Qazaxıstanın əmək­dar artisti Azim Mullaxanov Azərbay­can əsərlərinə daim Özbəkistanda bö­yük maraq olduğunu, “Arşın mal alan”, “Leyli və Məcnun”, “Qaynana” əsərlə­rinin özbək tamaşaçılar tərəfindən çox sevildiyini qeyd edib. O, Özbəkistanın teatr səhnələrində azərbaycanlı müəllif­lərin pyeslərinin, dramlarının tamaşaya qoyulmasının mühüm hadisə kimi qar­şılandığını vurğulayıb. Azim Mullaxanov əməkdaşlığa və diqqətə görə Azərbay­can Mədəniyyət Mərkəzinə öz təşəkkü­rünü bildirərib, gələcəkdə də bu ənənə­nin davam etdiriləcəyini bildirib. 

AMM-nin direktoru Samir Abbasov xalqlarımız arasında dostluq, qardaşlı­ğın tarixi haqqında danışaraq, ötən əs­rin əvvəllərində azərbaycanlıların Tür­kistanın mədəni həyatında mühüm rol oynadıqlarını, Azərbaycan müəllifləri­nin əsərlərinin Özbəkistan səhnəsində dəfələrlə nümayiş etdirildiyini deyib. O bu ənənənin davamı kimi Azərbaycan­da məşhur olan “Qayınana” əsərinin Özbəkistan səhnəsində tamaşaya qo­yulmasına görə Özbəkistan Mədəniy­yət və Turizm Nazirliyinə, teatrın kol­lektivinə təşəkkürünü bildirib. 

Sonra teatrın baş rejissoru Dastan Xaqverdiyevin quruluş verdiyi “Qayna­na” tamaşası nümayiş etdirilib. 

Tamaşada Cənnət rolunu Özbə­kistanın Əməkdar artisti Muxabbat Sotvaldiyeva, Afət və Zərifə obrazla­rını Gulasal Raxmanova, Ayaz rolunu Omon Yuldaşev, Sevda obrazını Arofat Erqaşova, İlqar rolunu Ravşan İbrahi­mov, Sədaqət obrazını Zilola Abdulla­yeva canlandırıblar.

Tamaşanın musiqi tərtibatçısı Öz­bəkistanın Fəxri mədəniyyət xadimi Karima Uzakova, dirijoru Akmal Tura­yevdir. 

Tamaşadakı musiqilər Azərbaycan dilində ifa olunub.

Musiqili komediyanın on gün nüma­yiş etdirilməsi nəzərdə tutulub.

Qulu KƏNGƏRLİ 

Daşkənd